කොළඹ සරසවියේ පිරිත් දේශනයේ ඡායාරූපය දුටු වාමාංශික විප්ලවවාදී පොතේ ගුරුන් බොහෝ පිරිසක් කලබලයට පත්ව විශ්වවිද්යාලවලට පිරිත් නො ගැළපෙන බවට හා විශ්වවිද්යාලවල තත්වය පහල වැටී ඇති බවට ඉතා මනස්තාපයට පත්ව ඇති සේ පෙන්වන්නට දැඟලූ තරම පසුගිය දින කීපයේ අපි දුටිමු.
මේ නූතනත්වයේ කරවටක් ගිලුණු වාමවාදී දාසයින්ට අමතක වී ඇත්තේ වැඩවසම් යුගයේ ඇරඹුණු විශ්වවිද්යාලවල අද පවා උපාධිප්රදානෝත්සවය කෙතරම් විප්රකාර වැඩවසම් ශෛලියකින් පවත්වා ගෙන යනවා ද යන්නයි.
මේ පිළිබඳව කතා කිරීමට දිව නො නැමෙන වම්මු පිරිත් කීමට පමණක් විරුද්ධ වන්නේ ඇයි?
මෙවන් අතිපණ්ඩිත වාමාංශික සිසුන් සරසවිවල ද අපට හමුවේ. ඔවුන්ට අනුව බුදුන් වහන්සේට මල් පූජා කිරීම අපහාසයකි. මල් යනු ශාකවල ලිංගික අවයවයන් ය.
මෙසේ කියන වාමාවාදී සිසුන් ශිෂ්ය වීරයින් සිහි කිරීමට මේ සියලු සංකේත ඇති උපහාර උත්සව සංවිධානය කරමින් ඒවාට ශාකවල ලිංගික අවයව ද සම්බන්ධ කරගනු දක්නට ලැබේ.
No comments:
Post a Comment